د سړو سیمو ښوونځيو د کلنیو آزموینو په اړه د پوهنې وزارت خبرتیا

د سړو سیمو د کلنیو آزموینو په اړه د پوهنې وزارت د پخوانۍ خبرتیا په تعقیب لیدل کېږي، چې د یادو سیمو ډېری ښوونځيو د قوس (لیندۍ) میاشتې لومړۍ نېټې ته آمادګي نیولې وه. له همدې امله د ولایتونو د پوهنې ریاستونو او د زده کوونکو د والدینو غوښتنو ته په پام هدایت ورکول کېږي، چې د سړو ولایتونو د ابتدائیه دورې آزموینې د روانې لیندۍ په لومړۍ او د متوسطې او لېسې دورې آزموینې د لیندۍ په ۵ مه نېټه پیل او له مهال وېش سره سم پای ته رسېږي.
ټولو ګرانو زده کوونکو ته په دې آزموینو کې د بریا او سرلوړۍ هیله کوو.