د سړو سیمو د کلنیو ازموینو په اړه د پوهنې وزارت خبرتیا

شنبه- کابل: دې ته په پام سره، چې د روان تعلیمي کال په لړ کې ګڼې رخصتیانې رامنځته او د تعلیمي نصاب د پوره کېدو چاره ستونزمنه شوه او د هغه تعهد له مخې، چې پوهنې وزارت د کال په پای کې د رخصتي ورځو د درسونو د جبران په اړه کړی و، د سړو سیمو ټولو ښوونځیو ته اعلانېږي، چې په بامیانو، دایکندي، ارزګان، غور او پنجشېر ولایتونو کې آزموینې د تېرو کلونو په شان (ابتدائیه د عقرب له ۲۵مې تر ۳۰ مې، متوسطه او لېسه د قوس له لومړۍ تر ۱۵مې) واخلي.
د پاتې ولایتونو د ابتدائیه ټولګیو ازموینې د قوس په لومړۍ نېټه او د متوسطه او لېسه ټولګیو ازموینې د قوس پر ۱۵ مه نېټه پیلېږي او له مهال وېش سره سم پای ته رسېږي. 
ټولو ګرانو زده کوونکو ته په دې ازموینو کې د بریا او سرلوړۍ هیله کوو.